Қора-Сув туманининг Андижон қишлоғида маиший техника ишлаб чиқарадиган қирғиз-ўзбек қўшма корхонаси «Артель электроникс» ишлаб чиқариш ва экспортни кенгайтиришни режалаштирмоқда. Бу ҳақда президент матбуот хизмати хабар бермоқда.
Бугун, 10 сентябр куни Президент Сўўрўнбай Жээнбеков Ўш вилоятига ташрифи чоғида корхона фаолияти билан танишди. Ушбу корхона 2022 йилда газ плиталарини, 2023 йилдан эса телевизор ва музлатгичларни ишлаб чиқариш режалаштирмоқда.
«Бугунги кунда корхона 105 кишини иш билан таъминлайди, иш ўринлари сонини 200 тага этказишни режалаштиришмоқда. Ушбу корхонадан ойига 900 га яқин кир ювиш машиналари ишлаб чиқарилади, ҳар ойда савдо ҳажми 3 миллион сомни ташкил қилади. Маҳсулотлар ички бозорда сотилади ва келажакда экспорт қилинади», – дейилади хабарда.
Жээнбеков Қирғизистон қўшни мамлакатлар, шу жумладан, Ўзбекистон билан савдо-иқтисодий алоқаларни кенгайтиришдан манфаатдор эканлигини таъкидлади.
Шунингдек,
у ишчилар билан алоқа қилишнинг мисоли сифатида Япониянинг корпоратив бошқарув
услубини келтирди, бунда барча ходимлар корхонани ўз мулкидек муомала қилишларини айтган.
